Minisiteri y’Ubucuruzi n’Inganda yishimiye ko ibikorerwa mu Rwanda byatangiye kuboneka ku giciro cyiza

Yanditswe: UZABAKIRIHO CHARLES Minisiteri y’Ubucuruzi n’Inganda mu Rwanda (MINICOM) yatangaje ko Imurikagurisha Mpuzamahanga ribaye ku nshuro ya 29 (Expo2026) ritanga icyizere cy’ahazaza h’ubukungu bw’Igihugu. Minisiteri y’Ubucuruzi n’Inganda mu Rwanda (MINICOM) yatangaje ko Imurikagurisha Mpuzamahanga ribaye ku nshuro ya 29 (Expo2026) ritanga icyizere cy’ahazaza h’ubukungu bw’Igihugu. Kuri uyu wa Gatandatu tariki 1 Kanama 2026, nibwo Minisiteri…

Kamugisha Charles

August 3, 2026

No comments

2 minutes

Read Time

Yanditswe: UZABAKIRIHO CHARLES

Minisiteri y’Ubucuruzi n’Inganda mu Rwanda (MINICOM) yatangaje ko Imurikagurisha Mpuzamahanga ribaye ku nshuro ya 29 (Expo2026) ritanga icyizere cy’ahazaza h’ubukungu bw’Igihugu.

Minisiteri y’Ubucuruzi n’Inganda mu Rwanda (MINICOM) yatangaje ko Imurikagurisha Mpuzamahanga ribaye ku nshuro ya 29 (Expo2026) ritanga icyizere cy’ahazaza h’ubukungu bw’Igihugu.

Kuri uyu wa Gatandatu tariki 1 Kanama 2026, nibwo Minisiteri y’Ubucuruzi n’Inganda ku bufatanye n’Urugaga rw’Abikorera mu Rwanda (PSF), batangije ku mugaragaro Expo2026, hasurwa ibikorwa bitandukanye byamuritswe n’abaturuka mu bihugu birenga 20 byo hirya no hino ku Isi.

Nyuma yo gutemberezwa no kwerekwa bimwe mu bikorwa byamuritswe n’Abanyarwanda ndetse n’Abanyamahanga bitabiriye Imurikagusha ry’uyu mwaka, Minisitiri w’Ubucuruzi n’Inganda Antoine Kajangwe, yagaragaje ko Expo2026 itanga icyizere cy’ahazaza h’ubukungu bw’Igihugu.

Yagize ati “Muri rusange ntabwo twabashije gusura ahantu hose, umwanya ntabwo wari kubitwemerera, ariko muri bake twasuye jye nabonaga ari ibintu biduha icyizere cy’ejo hazaza cyaho turimo kugana nk’Igihugu n’ubukungu bwacu, n’ubukungu dushaka kubaka.”

Yunzemo ati “Cyera dutangira gahunda ya ‘Made in Rwanda’, abantu bavugaga ko ari imyenda gusa kandi ko ihenze, ndizera ko uyu munsi tubibonye kuko ‘Made in Rwanda’, ni ibintu byinshi bitandukanye, kubera ko imaze kwaguka cyane, ariko na bya bitekerezo by’uko ihenze, turaza gutangira kubibona ko idahenze. Duhereye no ku myenda, hari iyo twabonye igura amafaranga make, aho ishati nziza igura munsi y’ibihumbi 3000Frw, mu myaka itanu, itatu ishize ntabwo washoboraga kubibona ku isoko ryo mu Rwanda.”

Minisitiri Kajangwe ati “Kugura ibikorewe mu Rwanda, uba urimo kwiteza imbere nawe, wowe n’umuryango, Abanyarwanda bakora muri izo nganda, imisoro yishyurwa, igenda igakora imihanda, amashanyarazi, amazi, n’ibindi bikorwa byinshi biba bikenewe. Dufite ibigo binini n’ibito bimaze gutera imbere, kandi byose birimo gukora ibintu twavuga ko biha igihugu cyacu ishema, bikomeza guteza imbere ubucuruzi bwacu n’Igihugu cyacu muri rusange.”

Biteganyijwe ko imurikagurisha ry’uyu mwaka rizarangira ryitabiriwe n’abamurika bagera kuri 500, ubwo ryafungurwaga ku mugaragaro iyo mibare ikaba yari imaze kugera kuri 487, barimo Abanyarwanda barenga 300. Mu byumweru bitatu rizamara rizarangira ryitabiriwe n’abasura barenga ibihumbi 300.